पंडरिया ब्लाक कांग्रेस कमेटी ह अपन संगठन के विस्तार करदिश
बल्लूराम डॉट कॉम
विजय कुमार धृतलहरे
दिनांक – 07/03/2026
पंडरिया – ब्लाक कांग्रेस कमेटी पंडरिया के अध्यक्ष घनश्याम साहू ह अपन संगठन के विस्तार करत 7 उपाध्यक्ष, 8 महासचिव अऊ 10 सचिव के नियुक्ति करे हवंय। अध्यक्ष घनश्याम साहू के कहना हे कि संगठन बनावत बखत क्षेत्र मं रहइया अलग-अलग समाज अऊ जाति के प्रतिनिधित्व के खास ध्यान रखे गे हवय।
ओमन बताइन कि संगठन मं तेली, कुर्मी, सतनामी, रावत, मरार, गोंड, ब्राम्हण, ठाकुर, बनिया, पनिका, बरेठ जइसने समाज के लोगन ला जगह देके सबो समाज के सम्मान अऊ भागीदारी बनाय के कोशिश करे गे हवय। संगठन के मजबूत बनाय अऊ विरोधी सत्ता दल ले बेहतर संगठन खड़ा करे के दिशा मं ये विस्तार करे गे हवय।
घनश्याम साहू के कहना हे कि संगठन मं भाईचारा बनाय रखना कोनो घलो राजनीतिक दल बर बहुत जरूरी होथे। मजबूत संगठनच आखिरकार पार्टी ला सत्ता तक पहुंचाय मं अहम भूमिका निभाथे।
फेर ये घलो देखे मं आइस हे कि ब्लाक कांग्रेस कमेटी के विस्तार मं आधा आबादी कहे जाथे वाले महिला मन ला लगभग नजरअंदाज कर दे गे हवय। पंडरिया विधानसभा मं पिछले एक दशक ले महिला नेतृत्व के दबदबा रहिस अऊ वर्तमान मं घलो महिला राजनीति चरम मं हवय, फेर संगठन मं महिला मन के भागीदारी कम दिखत हे, जऊन बात आगे चलके कांग्रेस बर कमजोरी बन सकथे।पर वर्तमान टीम में बनायें खातिर ब्लाक अध्यक्ष घनश्याम साहू ल जिला अध्यक्ष से लेकर प्रदेश अध्यक्ष मन के साथ हवे!
