कवर्धा मं किसान मन के प्रदर्शन, 2 हजार ट्रैक्टर संग पहुंचे किसान

रिपोर्ट : विजय धृतलहरे | कवर्धा, छत्तीसगढ़

कवर्धा। भारतीय किसान संघ के आह्वान मं जिला भर ले किसान ट्रैक्टर लेके कवर्धा जिला मुख्यालय पहुंचे हवंय। किसान मन शहर के प्रमुख सड़क मं चक्काजाम करके अपन मांग ला लेके प्रदर्शन कर हवंय। संगठन के मुताबिक प्रदर्शन मं करीब 2 हजार ट्रैक्टर शामिल हवंय। एखर से शहर के कुछ प्रमुख सड़क मं यातायात प्रभावित होय हे।

किसान मन के प्रमुख मांग—

1. गन्ना ऊपर 150 रुपिया बोनस देय जाए।

2. गन्ना अउ बागवानी फसल ला कृषक उन्नति योजना मं शामिल करे जाए।

3. धान के भुगतान करे जाए।

4. शक्कर कारखाना के क्षमता बढ़ाए जाए।

5. सिंचाई परियोजना के विस्तार करे जाए।

6. गन्ना ला फसल बीमा के दायरा मं लाए जाए।

प्रदर्शन ला देखत पुलिस अउ प्रशासन ह प्रमुख जगह मं बैरिकेडिंग करे हे अउ सुरक्षा बर पुलिस बल तैनात करे गे हे। एंबुलेंस, स्कूली बस अउ जरूरी सेवा के वाहन के आवागमन बनाए रखे बर व्यवस्था करे गे हे।

भारतीय किसान संघ के जिला अध्यक्ष डोमन चंद्रवंशी ह कहे हवंय कि मांग के समाधान होए तक आंदोलन जारी रही। अभी किसान मन अउ प्रशासन के बीच बातचीत शुरू नइ होय हे।

किसान संघ ह मांग पूरा नइ होए के स्थिति मं आंदोलन ला आगे घलो जारी रखे के बात कही हे। अब किसान मन अउ प्रशासन के बीच बातचीत के पहल ऊपर नजर हे।