रायपुर/कांकेर। आदिम जाति सेवक संघ छत्तीसगढ़ के ओर ले 24 सितंबर के कांकेर मं *‘उम्मीद की उड़ान’* कार्यक्रम आयोजित करे जावत हे। कार्यक्रम के उद्देश्य नक्सल प्रभावित परिवार मन के चहूंमुखी विकास अउ समाज के मुख्यधारा मं आगे बढ़े के अवसर देय के रूप मं बताय गे हे।
कार्यक्रम मं संघ के राष्ट्रीय अध्यक्ष, प्रदेश अध्यक्ष समेत प्रदेशभर के पदाधिकारी शामिल होहीं। कार्यक्रम के गरिमामय उपस्थिति बर संघ के प्रदेश उपाध्यक्ष एवं मुख्यमंत्री श्री विष्णु देव साय के धर्मपत्नी माननीया कौशिल्या देवी साय ला रायपुर स्थित निवास पहुंचकर सामाजिक कार्यकर्ता एवं संघ के व्यवस्थापिका अर्चना गोस्वामी ह विशेष रूप ले आमंत्रित करिन।
वहीं छत्तीसगढ़ महिला आयोग अध्यक्ष डॉ. ममता साहू ला घलो अर्चना गोस्वामी ह कार्यक्रम मं शामिल होय बर न्योता दीन।
अर्चना गोस्वामी ह कहिन कि बस्तर नक्सल समस्या के प्रभाव से बाहर निकलकर विकास के दिशा मं आगू बढ़े बर तैयार हे। एही सोच के संग आदिम जाति सेवक संघ नक्सल प्रभावित परिवार मन के चहूंमुखी विकास, सामाजिक सशक्तिकरण अउ बेहतर भविष्य के उम्मीद ला केंद्र मं रखके ‘उम्मीद की उड़ान’ कार्यक्रम आयोजित करत हे।
कार्यक्रम मं संघ के राष्ट्रीय एवं प्रदेश पदाधिकारी मन के अलावा कौशिल्या देवी साय, डॉ. ममता साहू, हस्तशिल्प बोर्ड अध्यक्ष शालिनी राजपूत,कांकेर विधायक आशा राम नेताम , अऊ समाजिक क्षेत्र म काम कर सम्मानित नागरिक मनके समेत स्थानीय जनप्रतिनिधि मन ला आमंत्रित करे जावत हे। कांकेर विधायक आशा राम नेताम कांकेर विधानसभा क्षेत्र के निर्वाचित विधायक हवंय।
संघ के ओर ले कार्यक्रम ला सफल बनाय बर व्यापक तैयारी अउ जनभागीदारी के प्रयास करे जावत हे। आयोजक मन के उम्मीद हे कि ‘उम्मीद की उड़ान’ नक्सल प्रभावित परिवार मन के जीवन मं नई आशा, आत्मविश्वास अउ विकास के नवा अवसर के संदेश पहुंचाही।
