मया के जीत होइस: पांडातराई पुलिस दुधमुंहा लइका ल फेर मइया के गोद म पहुंचाइस”
पति-पत्नी के झगड़ा के बाद पिता अपन संग लेगे रहिस दुधमुंहा लइका, सहायक निरीक्षक उमा उपाध्याय के विशेष पहल ले बनिस बात
बल्लूराम डॉट कॉम
विजय धृतलहरे
पांडातराई30/07/2026। पति-पत्नी के आपसी विवाद के चलते एक दुधमुंहा लइका अपन मइया ले अलग होगे रहिस। जानकारी के मुताबिक, झगड़ा के बाद पति दुध पीए वाले छोटे लइका ल अपन संग लेगे रहिस, जेन ले मइया भारी मानसिक पीरा म रहिस।
मामला पांडातराई थाना पहुंचे के बाद पुलिस मानवता अउ संवेदनशीलता के परिचय दिस। थाना म पदस्थ सहायक निरीक्षक उमा उपाध्याय के विशेष पहल अउ समझाइश ले दूनों पक्ष के बात सुने गीस। आखिरकार दुधमुंहा लइका ल ओकर मइया के सुपुर्द करे गीस।
मौका म मौजूद मनखे मन पुलिस के ए पहल के सराहना करिन। लोगन कहिन कि दुध पीए वाले लइका बर मइया के सानिध्य सबसे जरूरी होथे, अइसने म पुलिस के संवेदनशील रवैया एक सराहनीय कदम आय।
पांडातराई पुलिस के ए प्रयास ले सिरिफ एक दुधमुंहा लइका अपन मइया के गोद म वापस पहुंचिस, बल्कि परिवारिक विवाद ल शांति अउ समझदारी ले सुलझाय के संदेश घलो मिलिस।
