बल्लूराम डॉट कॉम
विजय धृतलहरे
भैंसाओदार/कुई-कुकदूर।21/06/2026 अंतर्राष्ट्रीय योग दिवस के अवसर मं पंडरिया विधानसभा के वनांचल गांव भैंसाओदार मं विधायक भावना बोहरा के अगुवाई मं “स्वस्थ आयु बर योग” कार्यक्रम के भव्य आयोजन करे गीस। जंगल-पहाड़ अंचल सहित विधानसभा के अलग-अलग गांव ले पहुंचे सैकड़ों लोगन एक संग योगाभ्यास करके स्वस्थ जीवन जिये के संदेश दीन।
कार्यक्रम के खास आकर्षण रहिस इंडिया गॉट टैलेंट विजेता अबूझमाड़ मल्लखंब टीम के मनमोहक प्रस्तुति, जेन ला देखके उपस्थित लोगन मंत्रमुग्ध होगे। विधायक भावना बोहरा कहिन कि योग सिरिफ भारत के सांस्कृतिक धरोहर नई हे, बल्कि पूरा दुनिया के स्वास्थ्य अउ कल्याण के मजबूत आधार बन चुके हे। योग ले तन स्वस्थ, मन शांत अउ जीवन सकारात्मक बनथे।
ओमन कहिन कि प्रधानमंत्री नरेंद्र मोदी के प्रयास ले आज योग ला दुनिया भर मं मान्यता मिलिस हे अउ करोड़ों लोग अपन दैनिक जीवन मं योग ला अपनावत हवंय। पंडरिया विधानसभा मं घलो स्वास्थ्य सुविधा बढ़ाय बर लगातार काम होवत हे। निःशुल्क मोबाइल हेल्थ पैथ लैब अउ 8 निःशुल्क एम्बुलेंस सेवा के माध्यम ले हजारों लोग लाभान्वित हो चुके हवंय।
कार्यक्रम मं भाजपा पदाधिकारी, जनप्रतिनिधि, कार्यकर्ता अउ बड़ी संख्या मं ग्रामीणजन उपस्थित रहिन।
