बल्लूराम डॉट कॉम
विजय धृतलहरे
कवर्धा, 17 जुलाई 2026। जिला के शासकीय आईटीआई (औद्योगिक प्रशिक्षण संस्थान) मन मं खाली सीट मन बर दाखिला प्रक्रिया सुरू होगे हे। अब इच्छुक युवा मन 17 जुलाई ले 24 जुलाई 2026 के रतिहा 11:59 बजे तक ऑनलाइन आवेदन कर सकथें।
जिला के कवर्धा, पंडरिया, बोड़ला, सहसपुर लोहारा अउ पिपरिया शासकीय आईटीआई मं उपलब्ध रिक्त सीट मन बर आवेदन मंगाय गे हे। आवेदन करे बर अभ्यर्थी मन cgiti.admission.nic.in पोर्टल मं जाके ऑनलाइन फारम भर सकथें।
संस्थान के मुताबिक, आवेदन करे ले पहिली वेबसाइट मं उपलब्ध प्रवेश विवरणिका ला ध्यान ले पढ़े के सलाह दी गे हे, ताकि फारम भरत बखत कोनो गलती नई होय। अगर आवेदन भरई के बाद संस्था या ट्रेड के प्राथमिकता मं बदलाव करे के जरूरत परथे, त निर्धारित समय सीमा के भीतर सुधार घलो करे जा सकथे।
काकरो जानकारी या तकनीकी दिक्कत होय, त वो अपन नजदीकी शासकीय आईटीआई मं संपर्क कर सकथे, नइ त प्रवेश पोर्टल मं दिए गे हेल्पलाइन के माध्यम ले सहायता ले सकथे।
संस्थान ह पात्र अउ इच्छुक युवा मन ले अपील करे हे कि आखिरी तारीख के इंतजार झन करव, समय रहते ऑनलाइन आवेदन पूरा करव अउ अपन भविष्य ला कुशल प्रशिक्षण के संग मजबूत बनावव।
