पंडरिया के सामुदायिक स्वास्थ्य केंद्र मं आय “कायाकल्प” – नेशनल क्वालिटी असेसमेंट सफल, जनता ला मिलही अब प्राइवेट जइसन सुविधा
बल्लूराम डॉट कॉम-: विजय धृतलहरे
पंडरिया/दिनांक 10/04/2026
पंडरिया के सामुदायिक स्वास्थ्य केंद्र मं आय “कायाकल्प” – नेशनल क्वालिटी असेसमेंट सफल, जनता ला मिलही अब प्राइवेट जइसन सुविधा
पंडरिया।
कबीरधाम जिला के पंडरिया सामुदायिक स्वास्थ्य केंद्र मं बड़ा उपलब्धि हासिल होइस हे। जिला मुख्य चिकित्सा अऊ स्वास्थ्य अधिकारी के मार्गदर्शन अऊ खण्ड चिकित्सा अधिकारी डॉ. राकेश प्रेमी के नेतृत्व मं National Quality Assurance Standard (NQAS) के तहत 2 दिन तक चले नेशनल लेवल के असेसमेंट सफलतापूर्वक पूरा होइस।
भारत सरकार के स्वास्थ्य मंत्रालय ले आए असेसर डॉ. दीपक नायक अऊ डॉ. ऐश मोहम्मद के द्वारा अस्पताल के कुल 8 विभाग मन के गहराई ले जांच करे गीस। ए दौरान हर विभाग के डॉक्यूमेंट्स के बारीकी ले जांच अऊ स्टॉफ मन के इंटरव्यू घलो लिहिस।
ए सफलता पाछू CHC पंडरिया के जम्मो स्टाफ के महीना भर के कड़ी मेहनत अऊ समर्पण रहिस। खण्ड चिकित्सा अधिकारी डॉ. प्रेमी के मार्गदर्शन मं कर्मचारी अऊ अधिकारी मन अपन तय ड्यूटी समय ले जादा समय देके, नेशनल स्तर के लक्ष्य हासिल करे बर जी-जान लगा दीन।
अस्पताल के ए उपलब्धि अब पंडरिया क्षेत्र के आम जनता बर बहुत फायदेमंद साबित होही। अब सरकारी अस्पताल मं घलो प्राइवेट अस्पताल जइसन बेहतर सुविधा मिलही।
अस्पताल परिवार ए उपलब्धि के खुशी मं 14 मिनट के वीडियो प्रसारण घलो जारी करे हवय, जेन मं कर्मचारी अऊ अधिकारी मन के ईमानदारी अऊ मेहनत साफ दिखत हे। ए वीडियो ला देख के हर कोनो व्यक्ति अस्पताल के कार्यशैली के सराहना जरूर करही।
