बल्लूराम डॉट कॉम -विजय कुमार धृतलहरे
दिनांक 03/04/2026
रायपुर,
पंडरिया विधानसभा के विधायक भावना बोहरा ह रायपुर मं “पंडरिया सेवा सदन” के शुरुआत करके एक बड़े जनहितकारी काम के शुरुआत करे हवंय। ये सेवा सदन मं पंडरिया ले इलाज बर आय मरीज मन के परिजन मन ल अब निःशुल्क रहय्या अऊ भोजन के सुविधा मिलही।
अइसने समय मं जब गांव-गांव ले मरीज मन राजधानी इलाज बर आथें, त उनके संग आय परिवार मन ल रहय्या, खाना-पीना अऊ रोज के जरूरत बर भारी परेशानी झेलना परत रहिस। अस्पताल के आसपास महंगा खर्चा अऊ दिक्कत ल देखत विधायक भावना बोहरा ह ये सेवा सदन के शुरुआत करिन।
रायपुर के देवेंद्र नगर सेक्टर-2 मं बने ये “पंडरिया सेवा सदन” मं साफ-सुथरा कमरा, रहय्या बर बिस्तर, नहाय-धोय के बढ़िया व्यवस्था, पानी, बिजली अऊ शुद्ध सात्विक भोजन के पूरा सुविधा निःशुल्क दी जात हे। ये सिरिफ एक ठिकाना नई, बल्कि दूर ले आय परिवार मन बर भरोसा अऊ सहारा के जगह बनही।
विधायक भावना बोहरा ह कहिन के ये दिन उनकर बर बहुत खास हे। “भावना दीदी के गारंटी” मं जऊन वादा करे रहिन, आज वो पूरा होइस। वो ह पंडरिया विधानसभा के जनता के भरोसा अऊ सहयोग बर आभार जताइन।
ओमन कहिन के ये सेवा सदन ले मरीज मन के परिजन अब बिना चिंता के अपन मरीज के देखभाल मं ध्यान दे सकहीं। ये पहल मं सिरिफ सुविधा नई, बल्कि मानसिक सहारा अऊ अपनापन के भाव घलो मिलही।
ये सेवा के लाभ ले बर 7747892000 अऊ 7747992000 नंबर मं संपर्क करे जा सकत हे।
विधायक भावना बोहरा ह आगे बताइन के पंडरिया क्षेत्र मं जनता के सुविधा बर लगातार काम होवत हे। चाहे वो निःशुल्क बस सेवा होय, एम्बुलेंस सेवा, मोबाइल हेल्थ लैब, कोचिंग सुविधा या फिर सड़क, सिंचाई अऊ बिजली-पानी के विकास काम – हर क्षेत्र मं तेजी ले काम चलत हे।
अंत मं, “पंडरिया सेवा सदन” एक अइसने पहल आय, जेन ह जरूरतमंद परिवार मन बर संकट के घड़ी मं सहारा बनके उभरत हे, अऊ जनसेवा के सच्चा उदाहरण पेश करत हे।
