केंवची मं जुटिस राशन दुकानदार मन के महासभा – कमीशन बढ़ोतरी के मांग संग नवा पदाधिकारी मन के घोषणा, विधायक- अध्यक्ष देइन भरोसा
केंवची मं जुटिस राशन दुकानदार मन के महासभा – कमीशन बढ़ोतरी के मांग संग नवा पदाधिकारी मन के घोषणा, विधायक- अध्यक्ष देइन भरोसा
📍 जीपीएम, 1 अप्रैल 2026 (बल्लूराम डांट काम):
गौरेला-पेंड्रा-मरवाही जिला के केंवची स्थित भैरोसांग नर्सरी मं शासकीय राशन दुकानदार अऊ विक्रेता कल्याण संघ छत्तीसगढ़ के प्रादेशिक महासभा बड़े धूमधाम ले आयोजित होइस। मैकल पर्वत के सुंदर अंचल मं आयोजित ये बैठक मं बस्तर, सरगुजा, रायपुर, बिलासपुर अऊ दुर्ग संभाग ले हजारों उचित मूल्य दुकान संचालक अऊ विक्रेता मन शामिल होइन।
कार्यक्रम के मुख्य अतिथि मरवाही विधायक प्रणव मरपच्ची अऊ विशिष्ट अतिथि जिला पंचायत अध्यक्ष समीरा पैकरा रहिन। बैठक के अध्यक्षता प्रदेश अध्यक्ष देवर्षभाई सापरिया करिन अऊ संचालन महासचिव विजय कुमार धृतलहरे करिन।
🔸 कमीशन बढ़ाय के गूंजिस आवाज
सभा मं दुकानदार मन एक सुर मं कहिन कि 21 बछर ले चांवलक्विंटल मं 30 रुपिया अऊ शक्कर मं 5 रुपिया प्रति क्विंटल कमीशन मिलत हे, जेन बहुत कम हे। ओमन मांग करिन कि कमीशन ला बढ़ाके कम से कम 250 रुपिया प्रति करे जावय अऊ ट्रांसपोर्टिंग, तौल अऊ स्टोरेज ले होवत नुकसान के छतीपूर्ति घलो देय जावय।
🔸 दुकानदार मन के पीड़ा
प्रदेश के 14,500 दुकानदार 81 लाख परिवार तक राशन पहुंचाथें, फेर खुदे के परिवार आर्थिक तंगी मं जूझत हवंय। समय मं भुगतान नइ मिलय, कटौती अऊ प्रशासनिक दबाव के सामना करना पड़त हे।
🔸 जनप्रतिनिधि मन के भरोसा
दुकानदार मन के आक्रोश देखके विधायक प्रणव मरपच्ची अऊ समीरा पैकरा भरोसा देइन—
“मुख्यमंत्री विष्णुदेव साय अऊ संगठन मंत्री पवन साय ले मिलके आप मन के समस्या ला रखबो अऊ कमीशन बढ़ाय बर पूरा प्रयास करबो।”
🔸 अधिकारी घलो देइन आश्वासन
जिला खाद्य अधिकारी कहिन कि वेयरहाउस अऊ ट्रांसपोर्टिंग मं होवत गड़बड़ी के जांच बर टीम गठित करे जाही अऊ दुकानदार मन के नुकसान कम करे जाही।
🔰 नवा पदाधिकारी मन के नियुक्ति
बैठक मं संगठन के विस्तार करत नवा पदाधिकारी मन के घोषणा करे गीस—
विजय राठौर (गौरेला) – कार्यकारी अध्यक्ष
नंदकुमार साहू (कवर्धा) – प्रदेश सचिव
संजीव शर्मा – सहसचिव
दीपक छाबड़ा (मुंगेली) – सहसचिव
श्रीमती प्रतिमा सहारे (बिलासपुर) – प्रदेश कार्यकारिणी सदस्य
महेन्द्र पांडे (मरवाही) – प्रदेश प्रवक्ता
बाकी सब पदाधिकारी मन ला यथावत बनाय रखे के घोषणा करे गीस।
🔸 विजय धृतलहरे बने राष्ट्रीय उपाध्यक्ष
प्रदेश महासचिव विजय कुमार धृतलहरे ला आल इंडिया फेयर प्राइस शॉप डीलर फेडरेशन मं राष्ट्रीय उपाध्यक्ष अऊ मध्यप्रदेश–सिक्किम प्रभारी बनाय गीस। जेखर खातिर आल इंडिया फेयर प्राइस साप डिलर फेडरेशन के राष्ट्रीय महासचिव बिशम्भर बासू जी के आभार कहीन ये खबर ले सभा मं खुशी के माहौल बनगे अऊ दुकानदार मन फुलमाला ले भव्य स्वागत करत बधाई दीन।
👉 सभा के निष्कर्ष:
“एकजुट संगठन, मजबूत आवाज – कमीशन बढ़े बिना अब लड़ई जारी रहिही!”
