बल्लूराम डॉट कॉम-: विजय धृतलहरे
कवर्धा, 26 मार्च 2026:
कबीरधाम जिला मं धान खरीदी के बड़ा गड़बड़ी सामने आइस हे। थाना कुण्डा क्षेत्र के पेण्ड्रीकला धान खरीदी केन्द्र मं करीब 70 लाख रुपिया ले जियादा के हेराफेरी के मामला मं खरीदी प्रभारी ला पुलिस धर ले हे।
जानकारी अनुसार, जांच के दौरान पता चलिस कि केन्द्र मं कागज मं जऊन धान दर्ज रहिस, ओतका धान असल मं मौजूद नई रहिस। करीब 2272 क्विंटल धान कम पाय गीस, जऊन के कीमत करीब 70 लाख रुपिया आंकी गीस।
जांच मं ये घलो सामने आइस कि खरीदी प्रभारी विवेक चंद्राकर ह रजिस्टर अउ तौल पर्ची मं गड़बड़ी करके धान के हेराफेरी करिस, जेन ले शासन ला भारी नुकसान होइस।
पुलिस ह मामला दर्ज करके जांच करिस अउ आरोपी ला 26 मार्च के दिन गिरफ्तार करके कोर्ट मं पेश करिस, जिहां ले ओकर जेल भेजे गीस।
ए पूरा कार्रवाई थाना कुण्डा पुलिस टीम द्वारा करे गीस, जिहां कई पुलिस कर्मचारी मन के अहम भूमिका रहिस।
👉 पुलिस कहिस हे कि मामला के जांच अभी जारी हे, अउ जऊन कोनो दोषी पाहीं जाही, ओकर ऊपर सख्त कार्रवाई होही।
