कवर्धा। कवर्धा के नारायणी होटल मं आज भारत सरकार के सूचना अउ प्रसारण मंत्रालय के पत्र सूचना कार्यालय रायपुर के द्वारा मिडिया कार्यशाला के आयोजन करे गीस। ए कार्यशाला मं भारत सरकार के महत्त्वपूर्ण योजना VB.G.RAM.G. ला 1 अप्रैल 2026 ले छत्तीसगढ़ मं लागू करे जाही, ओकर बारे मं पत्रकार मन ला जानकारी देय गीस।
कार्यक्रम के मुख्य अतिथि के रूप मं पहुंचे नीति आयोग के नवनियुक्त उपाध्यक्ष गणेश शंकर मिश्रा पत्रकार मन ला योजना के बारे मं जानकारी देत कहिन कि सरकार अब 300 दिन मं 120 दिन काम देही अउ 65 दिन छुट्टी के प्रावधान रखे गे हे।
एही दौरान उनके एक बयान ले हलचल मच गे, जब वो कहिन – “भ्रष्टाचार के बात नई ये, भ्रष्टाचार त होत रहिथे, तुम घलो भ्रष्ट, मैं घलो भ्रष्ट, एमा कऊन बात के महत्व नई हे, G.RAM.G. मं घलो ये समान्य बात आय।”
उनकर ए बयान के बाद मिडिया अउ जनमानस मं चर्चा तेज होगे हे।
कार्यशाला मं कबीरधाम कलेक्टर गोपाल वर्मा घलो योजना के महत्व बतावत कहिन कि ए योजना मं किसान मन के खास ध्यान रखे गे हे। किसानी के समय मजदूर मन ला छुट्टी देय जाही, ताकि वो मन खेती के काम कर सकंय।
ए मौके मं जिला पंचायत के प्रचार-प्रसार अधिकारी विनतदास अउ कार्यक्रम के आयोजक, डिप्टी डायरेक्टर सूदीप्ता कर घलो योजना के अलग-अलग पहलू ऊपर प्रकाश डारिन।
समाचार के खास बात:
1 अप्रैल 2026 ले लागू होही VB.G.RAM.G. योजना
मजदूर मन ला मिलही 120 दिन काम, 65 दिन छुट्टी
उपाध्यक्ष के बयान ले उठिस विवाद अउ चर्चा
👉 कुल मिलाके, योजना के जानकारी संग-संग एक विवादित बयान ले ए कार्यशाला अब सुर्खी मं आ गे हे।
