कवर्धा मं छत्तीसगढ़ जर्नलिस्ट यूनियन ला मिलिस नवा अगुवाई, श्याम टंडन बने जिलाध्यक्ष
बल्लूराम डॉट कॉम
संपादक -:विजय कुमार धृतलहरे
दिनांक 17/03/2026
कवर्धा। छत्तीसगढ़ जर्नलिस्ट यूनियन ह अपन संगठन ला अउ मजबूत बनाय बर कवर्धा जिला (कबीरधाम) मं नवा नियुक्ति करे हवय। दुर्ग संभाग अध्यक्ष गौरीशंकर सिंह अउ संभागीय उपाध्यक्ष भुवन पटेल के अनुशंसा ऊपर श्याम टंडन ला जिलाध्यक्ष के जिम्मेदारी दे दी गे हवय।
प्रदेश अध्यक्ष ईश्वर दुबे के जारी आदेश मं पहिली के मनोनयन ला तत्काळ प्रभाव ले रद्द करत, अब जिला इकाई अउ ब्लॉक इकाई के गठन के पूरा अधिकार नवा जिलाध्यक्ष श्याम टंडन ला सौंपे गे हवय।
ए नियुक्ति ले जिला भर के पत्रकार मन मं खुशी अउ उत्साह के माहौल दिखत हवय। संगठन के पदाधिकारी अउ पत्रकार साथी मन श्याम टंडन ला बधाई देत कहिन कि ओखर नेतृत्व मं संगठन अउ मजबूत होही अउ पत्रकार मन के हक-हित के लड़ई अउ तेज होही।
नवा जिलाध्यक्ष श्याम टंडन ह संगठन के वरिष्ठ नेतृत्व के आभार जतावत कहिन कि वो सबो पत्रकार साथी मन ला संग लेके संगठन ला मजबूत बनाही अउ पत्रकार मन के अधिकार बर लगातार काम करत रहिही।
