पंडरिया मं कांग्रेस के हल्ला बोल : भाजपा सरकार के नाकामी के खिलाफ 12 सूत्रीय मांग, राज्यपाल के नाम सौंपिन ज्ञापन
बल्लूराम डॉट कॉम
संपादक -विजय कुमार धृतलहरे
कबीरधाम/पंडरिया।
पंडरिया ब्लॉक मं बिते 14 मार्च के पंडरिया कांग्रेस कमेटी के अध्यक्ष घनश्याम साहू के नेतृत्व मं कांग्रेस कार्यकर्ता मन भाजपा सरकार के नाकामी के खिलाफ जोरदार धरना-प्रदर्शन करिन। बड़ी संख्या मं जुटे कांग्रेस जिलाध्यक्ष नवीन जायसवाल व पदाधिकारी अउ कार्यकर्ता मन क्षेत्र के जनसमस्या ला उठावत 12 सूत्रीय मांग के संग छत्तीसगढ़ प्रदेश के महामहिम राज्यपाल के नाम ज्ञापन सौंपिन।
🔴 ये हवंय कांग्रेस के 12 सूत्रीय मांग
1. लौह पुरुष सरदार वल्लभ भाई पटेल सहकारी शक्कर कारखाना पंडरिया मं किसान मन के गन्ना बिक्री के बकाया रकम के तत्काल भुगतान करे जावय।
2. कोदो, कुटकी अउ रागी के न्यूनतम समर्थन मूल्य मं फेर खरीदी शुरू करे जावय।
3. पंडरिया शहर मं व्यवसायिक कॉम्पलेक्स के निर्माण करे जावय।
4. पंडरिया के नवा बस स्टैंड जर्जर होगे हे, ओकर जीर्णोद्धार या नवा बस स्टैंड बनाय जाय।
5. वार्ड क्रमांक 05 नवापारा के कृष्णा कुंज मं पानी व्यवस्था अउ चौकीदार सुविधा देय जाय।
6. नगर पालिका पंडरिया मं अधोसंरचना मद के राशि मं कांग्रेस पार्षद मन ला घलो समान अधिकार मिले।
7. ग्राम पंचायत झिरियाखुर्द जावत कच्ची सड़क ला पक्की सड़क बनाय जाय।
8. सुदूर वनांचल क्षेत्र के जर्जर सड़क मन के निर्माण –
दमगढ़ से कांटावानी (लगभग 8 किमी)
बदना से पण्डरीपानी (13 किमी)
बदना से पण्डरीपानी (7 किमी)
महीडबरा से बिरहुलडिह (9 किमी)
कुई से देवसरा (9 किमी)
9. शक्कर कारखाना पंडरिया मं शक्कर बोरी अउ मशीन खरीदी मं भ्रष्टाचार के जांच।
10. धान खरीदी केंद्र मं होवत भ्रष्टाचार के जांच करे जावय।
11. पंडरिया क्षेत्र मं बढ़त अवैध शराब बिक्री, नशाखोरी, चोरी अउ अपराध पर रोक लगाय जाय।
12. बकेला डायवर्सन नहर विस्तार (बकेला से पडीपथरा, गांगपुर) मं भ्रष्टाचार के जांच करे जावय।
कांग्रेस पदाधिकारी मन कहिन कि अगर सरकार ये मांग मन ऊपर जल्द कार्रवाई नइ करही त आगे अउ बड़े आंदोलन करे जाही।
धरना-प्रदर्शन के बाद ये मांग पत्र जिला कलेक्टर अउ पुलिस अधीक्षक, कबीरधाम के नाम घलो सौंपे गीस। कार्यक्रम मं बड़ी संख्या मं कांग्रेस पदाधिकारी, कार्यकर्ता अउ क्षेत्र के नागरिक उपस्थित रहीन!
