कवर्धा 27/02/2026
बल्लूराम डॉट कॉम
विजय कुमार धृतलहरे
कबीरधाम – कबीरधाम जिला के सरपंच मन के बैठक भोरमदेव मं आयोजित करे गीस। ये बैठक मं जिला के चारों जनपद पंचायत – सहसपुर लोहारा, कवर्धा, पंडरिया अऊ बोडला ले सरपंच मन अऊ स्थानीय पदाधिकारी मन शामिल होइन।
बैठक मं पंडरिया के अध्यक्ष ललित चन्द्रवंशी, बोडला के अध्यक्ष राजेश साहू, लोहारा के रुपेश कौशिक अऊ कवर्धा के द्वारिका चन्द्रवंशी खास तौर ले मौजूद रहिन।
सभी उपस्थित सदस्य मन के चर्चा उपरांत ग्राम पंचायत बघर्रा, जनपद पंचायत बोडला के सरपंच राजेश साहू ला जिला अध्यक्ष घोषित करे गीस। उपस्थित सरपंच मन ह नवा जिला अध्यक्ष ला बधाई दीस।
ए अवसर मं जिला पंचायत उपाध्यक्ष कैलाश चन्द्रवंशी, जनपद पंचायत कवर्धा के अध्यक्ष प्रतिनिधि शुषमा गनपत बघेल, जिला पंचायत सदस्य क्रमांक 5 के प्रतिनिधि मनीराम साहू, भाजपा नेता विदेशी राम धुर्वे अऊ पंचायत एवं गृहमंत्री विजय शर्मा के कार्यालय प्रभारी अमरदास कुर्रे विशेष रूप ले उपस्थित रहिन।
ए चुनाव ले जिला के सरपंच मन मं खास उत्साह देखे गीस। सरपंच मन ह संघ के ताकत ले अपन छोटे-बड़े समस्या मन ला दूर करे के आस जताइन।
