भाजपा सरकार के बजट मं फेर ठगाय गइन प्रदेशवासी अउ बेरोजगार युवा : चोवाराम

बल्लूराम डॉट कॉम

विजय कुमार धृतलहरे

दिनांक 24/02/2026

कवर्धा। पूर्व मंडी उपाध्यक्ष अउ कांग्रेस के युवा नेता चोवाराम साहू ह भाजपा सरकार के पेश करे गेय बजट ऊपर अपन प्रतिक्रिया देत कहिन कि भाजपा सरकार हर बार के जइसने ए बेर घलो प्रदेशवासी मन अउ युवा मन ल ठगाय के काम करे हवय।

सरकार ए बेर घलो डोंगरगढ़–कवर्धा होते उसलापुर रेल लाइन ल बजट मं हांसिया मं धर दिस हवय। सरकार अपन योजना मन मं बेरोजगार मन बर बेरोजगारी भत्ता योजना चालू रखे के दंभ भरत हवय, फेर बजट मं ए खातिर कऊन घलो प्रावधान अउ घोषणा नई करे गेय हवय।

जऊन से बेरोजगार मन अपन आप ल ठगाय जइसन महसूस करत हवंय। कुल मिलाके सरकार के ए बजट सिरिफ छलावा आय।