रायपुर, 23 फरवरी 2026
बल्लूराम डॉट कॉम
विजय कुमार धृतलहरे
रमेन डेका आज छत्तीसगढ़ के 6वीं विधानसभा के अष्टम सत्र ला संबोधित करिन अउ अपन अभिभाषण पढ़िन। विधानसभा पहुँचत बखत मुख्यमंत्री विष्णु देव साय, विधानसभा अध्यक्ष डॉ. रमन सिंह अउ नेता प्रतिपक्ष डॉ. चरण दास महंत मन ओकर स्वागत करिन।
अभिभाषण के छत्तीसगढ़ी रूपांतरण इस प्रकार हवय —माननीय सदस्य मन,
1. आप सबो ला छत्तीसगढ़ राज्य स्थापना अउ विधानसभा के रजत जयंती के ढेर-ढेर बधई।
2. रजत जयंती के अवसर मं माननीय प्रधानमंत्री नरेन्द्र मोदी जी के करकमल ले विधानसभा के नवा भवन के लोकार्पण होइस। लोकतंत्र के मंदिर ये नवा भवन बर आप सबो ला बधई।
3. 2026 मं आयोजित 6वीं विधानसभा के पहिली सत्र मं आप सबो के हार्दिक स्वागत हवय।
4. अब हमर प्रदेश विकसित राज्य बने के नवा सफर शुरू कर दिस हवय। 2047 तक विकसित छत्तीसगढ़ बनाय के लक्ष्य ला हमन जरूर हासिल करबो।
5. भारत रत्न पूर्व प्रधानमंत्री अटल बिहारी वाजपेयी जी हमर राज्य के निर्माण करिन। ओमन के सपना अब साकार होत दिखत हवय।
6. छत्तीसगढ़ मं विकास के असीम संभावना हवय। इहाँ के सरल अउ मेहनती जनता के बदौलत सरकार लगातार काम करत हवय।
7. हमर सरकार के सर्वोच्च प्राथमिकता अंत्योदय के कल्याण हवय। आखिरी पंक्ति मं खड़े नागरिक तक योजना के लाभ पहुँचे, एही सोच के संग नीति बनत हवय।
8. समावेशी विकास मं महिला सशक्तिकरण के अहम भूमिका हवय। ए साल ला “महतारी गौरव वर्ष” के रूप मं मनाय जात हवय।
9. सामाजिक कल्याण संग तेज आर्थिक विकास बर सरकार नवाचार करत हवय, जेन के असर आंकड़ा मं दिखत हवय।
किसान अउ कृषि
10. विकसित छत्तीसगढ़ बर किसान मजबूत होना जरूरी हवय। किसान मन ला आधुनिक तकनीक संग जोड़े अउ फसल के सही दाम दिलाय के प्रयास जारी हवय।
11. ए साल 25 लाख 24 हजार किसान ले 141.04 लाख मीट्रिक टन धान खरीदे गीस अउ 33 हजार 431 करोड़ रुपिया भुगतान होइस। ‘कृषक उन्नति योजना’ के तहत होली से पहिली 10 हजार 292 करोड़ रुपिया देय जाही।
12. 24 लाख 72 हजार किसान ला प्रधानमंत्री किसान सम्मान निधि के लाभ मिलत हवय।
13. 5 लाख ले जियादा भूमिहीन कृषि मजदूर मन ला ‘दीनदयाल उपाध्याय भूमिहीन कृषि मजदूर कल्याण योजना’ के तहत सालाना 10 हजार रुपिया देय जात हवय।
14. प्रमाणित बीज उत्पादन बर अनुसूचित जाति, जनजाति अउ महिला किसान मन ला 100% अनुदान मिलत हवय।
15. इंदिरा गांधी कृषि विश्वविद्यालय रायपुर मं भाभा परमाणु अनुसंधान केंद्र के सहयोग ले 6 करोड़ लागत मं सेंटर ऑफ एक्सीलेंस बनाय जात हवय।
16. ‘दलहन बीज उत्पादन प्रोत्साहन योजना’ मं अनुदान 1000 ले बढ़ाके 5000 रुपिया प्रति क्विंटल कर दे गीस।
17. धान के बदला दूसर फसल लेवइया किसान मन ला 11 हजार रुपिया प्रति एकड़ सहायता मिलही।
18. पाम ऑयल खेती बर 69 हजार 620 रुपिया टॉपअप अनुदान देय जाही।
19. कोदो, रागी जइसन मिलेट फसल ला बढ़ावा देय जात हवय।
20. 38 हजार हेक्टेयर मं जैविक खेती होवत हवय।
21. छुईखदान मं पान अनुसंधान केंद्र शुरू हो गे हवय।
महिला अउ सामाजिक कल्याण
29. महतारी मन के सम्मान अउ आर्थिक सशक्तिकरण सरकार के प्राथमिकता हवय।
30. ‘महतारी वंदन योजना’ के तहत 69 लाख महिला मन के खाता मं हर महीना 1000 रुपिया जमा होवत हवय। अब तक 15 हजार 596 करोड़ रुपिया 24 किस्त मं देय जा चुके हवय।
31. बस्तर के 7,763 महिला मन ला भी अब योजना के लाभ मिलत हवय।
32. ‘मुख्यमंत्री कन्या विवाह योजना’ मं 6,412 जोड़ी के सामूहिक विवाह संपन्न होइस।
नक्सल प्रभावित क्षेत्र अउ विकास
36-37. दुई बरस मं 532 माओवादी निष्प्रभावी कर दिए गीस, 2704 आत्मसमर्पण करिन अउ 2004 गिरफ्तार होइन।
38. ‘नियद नेल्ला नार योजना’ के तहत मूलभूत सुविधा पहुंचाय जात हवय।
41. 728 मोबाइल टॉवर चालू हो गीस अउ 449 टॉवर 4जी मं अपग्रेड होइस।
जनजातीय विकास
44. प्रदेश मं 4 लाख 83 हजार 222 व्यक्तिगत वनाधिकार पत्र जारी हो चुके हवय।
45. तेंदूपत्ता के समर्थन मूल्य 4 हजार ले बढ़ाके 5,500 रुपिया कर दे गीस।
46. ‘पीएम जनमन योजना’ अउ ‘धरती आबा जनजातीय ग्राम उत्कर्ष अभियान’ के तहत तेज काम चलत हवय।
स्वास्थ्य अउ शिक्षा
70. नवा रायपुर मं 680 करोड़ लागत ले 300 बिस्तर वाला सुपर स्पेशलिटी अस्पताल बनही।
71. 81 लाख परिवार मन के आयुष्मान कार्ड बन चुके हवय।
72. 5 नवा मेडिकल कॉलेज – जशपुर, मनेन्द्रगढ़, कबीरधाम, जांजगीर-चांपा अउ दंतेवाड़ा मं खोले जाही।
अंतिम बात
105. 2047 तक विकसित राज्य बने बर “अंजोर विजन डाक्यूमेंट” बनाय गीस हवय।
106. जनता ले फीडबैक लेकर नीति बनाय जात हवय, ताकि छत्तीसगढ़ महतारी के संवार सकन।
