स्नेहा अस्पताल के जैन परिवार प्रमुख प्राथमिक पाठशाला में करिन नेवता भोज के आयोजन

बल्लूराम डॉट कॉम

विजय धृतलहरे

कवर्धा, 20 अगस्त 2026। शहर के प्रतिष्ठित स्नेहा हॉस्पिटल के जैन परिवार के सौजन्य से शासकीय प्रमुख प्राथमिक शाला, कवर्धा मं स्कूली लइका-मन बर नेवता भोज के आयोजन करे गे। कार्यक्रम मं लइका-मन ला स्वादिष्ट खीर अउ पूरी के भोजन कराय गे, जेला पाकर नानकन मन बड़े खुशी अउ उत्साह के संग आनंद उठाइन।

नेवता भोज के संग-संग लइका-मन ला पढ़ई बर प्रोत्साहित करे के उददेश्य ले गिफ्ट के रूप मं पेन अउ पेंसिल घलो बांटे गे। उपहार पाकर विद्यार्थियन के चेहरा खुशी ले खिल उठिस। विद्यालय परिवार ह जैन परिवार के ए पहल ला लइका-मन बर स्नेह, अपनापन अउ सामाजिक जिम्मेदारी के सुंदर उदाहरण बताए।

कार्यक्रम प्रधान पाठक के मार्गदर्शन मं आयोजित होइस। प्रधान पाठक ह स्नेहा हॉस्पिटल के जैन परिवार के ए आत्मीय अउ प्रेरणादायी पहल बर आभार जताइस। ओमन कहिन कि अइसने आयोजन ले लइका-मन मं अपनापन के भावना बढ़थे अउ समाज के संग जुड़के आगे बढ़े के प्रेरणा मिलथे।

कार्यक्रम ला सफल बनाय मं स्कूल के समस्त शिक्षक-शिक्षिकामन के महत्वपूर्ण सहयोग रहिस। शिक्षक-मन ह लइका-मन ला व्यवस्थित ढंग ले भोजन कराइन अउ पेन-पेंसिल वितरण समेत बाकी व्यवस्था ला सुचारु रूप ले पूरा कराइन।

विद्यालय परिवार ह कहिस कि समाज के प्रतिष्ठित नागरिक अउ संस्था मन के स्कूल के लइका-मन संग अइसने आत्मीय जुड़ाव शिक्षा के क्षेत्र मं सकारात्मक पहल आय। अइसने कार्यक्रम ले विद्यार्थियन मं सामाजिक सहभागिता, सहयोग, आपसी प्रेम अउ स्कूल के प्रति अपनापन के भावना मजबूत होथे।

अंत मं विद्यालय परिवार ह स्नेहा हॉस्पिटल के जैन परिवार के ए सराहनीय पहल बर हृदय ले आभार जताइस अउ लइका-मन के उज्ज्वल भविष्य के कामना करे गे। नानकन के खुशी अउ उत्साह के बीच नेवता भोज कार्यक्रम के सफल समापन होइस।