किसान हित मं बसपा के हुंकार: कवर्धा मं राज्यपाल के नाम सौंपे जाही ज्ञापन, कार्यकर्ता मन ला रैली मं पहुंचइया के आह्वान
बल्लूराम डॉट कॉम
विजय धृतलहरे
कवर्धा। बहुजन समाज पार्टी (बसपा) के प्रदेश इकाई के निर्देश मं किसान मन के विभिन्न समस्या अउ मांग मन ला लेके 10 जून 2026, बुधवार के कवर्धा मं जिला स्तरीय ज्ञापन रैली के आयोजन करे जावत हे। ए कार्यक्रम के तहत राज्यपाल के नाम कलेक्टर कबीरधाम ला ज्ञापन सौंपे जाही।
बसपा जिला अध्यक्ष शशि कपूर बंजारे ह समस्त जिला अउ विधानसभा स्तरीय पदाधिकारी, कार्यकर्ता, शुभचिंतक अउ सहयोगी साथी मन ला अधिक से अधिक संख्या मं शामिल होके कार्यक्रम ला सफल बनाय बर आह्वान करे हें।
जानकारी अनुसार, रैली मं शामिल होय बर कार्यकर्ता मन ला दोपहर 1 बजे अंबेडकर चौक, कवर्धा मं एकत्रित होय बर कहे गे हे। किसान मन के समस्या, कृषि संबंधी मांग अउ ग्रामीण अंचल के मुद्दा मन ला लेके राज्य सरकार के माध्यम ले राज्यपाल तक बात पहुंचाय के उद्देश्य ले ए ज्ञापन सौंपे जाही।
बसपा संगठन के पदाधिकारी मन के कहना हे कि किसान आज कई प्रकार के आर्थिक अउ प्रशासनिक समस्या ले जूझत हें, जेनला ध्यान मं रखत पार्टी ह किसान हित मं आवाज बुलंद करत हे।
बसपा जिला अध्यक्ष शशि कपूर बंजारे ह जिला के समस्त पदाधिकारी अउ कार्यकर्ता मन ला समय पर पहुंचके रैली अउ ज्ञापन कार्यक्रम ला सफल बनाय बर अपील करे हें।
