बल्लूराम डॉट कॉम
कोटा/बिलासपुर, 27 मार्च 2026
कोटा ब्लॉक मं राशन के तौल म गड़बड़ी के मामला सामने आइस हे। शासकीय राशन दुकानदार एवं विक्रेता कल्याण संघ संघ जिला बिलासपुर के तरफ ले कलेक्टर ल लिखित शिकायत देके जांच अउ कार्यवाही के मांग करे गे हवय।
संघ के कहना हे कि 25 फरवरी 2026 ला करगीरोड के गोदाम मं चांवल तौलई के बखत हर बोरा मं करीब 1 ले 1.5 किलो तक चांवल कम पाय गे। ए बात के जानकारी मिलतेच नापतौल विभाग के अधिकारी मन जांच करे गिन, जेमे गड़बड़ी के पुष्टि होइस।
संघ के आरोप हे कि ए समस्या आज के नई, बल्कि कई महीना ले चलत आवत हवय। तौल म कमी होय के कारण राशन दुकानदार मन ला हर महीना नुकसान उठाना पड़त हे।
अब संघ ह मांग करत हे कि जऊन घलो राशन कम तौले गे हवय, ओकर भरपाई दुकानदार मन ला दी जावय अउ जऊन मन दोषी हें, ओमन ऊपर कड़ी कार्यवाही करे जावय।
संघ ह प्रशासन ले साफ-सुथरा जांच अउ जल्दी कार्यवाही करे के गुहार लगाय हवय।
करगीरोड कोटा के घटना ह सच ल उजागर करदीश छत्तीसगढ़ सरकार द्वार प्रदाय योजना चला के राशन दुकान म राशन दे के सरकारी आदेश तो कर दें हवे पर कोनो राशन दुकान में राशन तौल के खाली नई करें जबकी राशन दुकानदार हर एक एक दाना तौल के राशनकार्ड धारी ल देथे परिणाम छत्तीसगढ़ के जम्मो राशन दुकानदार मन कमी लें जुझत हवे सरकार ल शासकीय राशन दुकानदार एवं विक्रेता कल्याण संघ छत्तीसगढ़ हर कई बार ये समस्या ल बता के सुधार करें बर मांग कर डरें हवे पर सरकार सुधार नई करें ऊल्टा हर साल के आखिर म दुकान जांच कराथे तब दुकानदार के दुकान में राशन कमी पाथे तब दुकानदार ऊपर वसूली अऊ कार्यवाही करथे सरकार ये करगीरोड कोटा के बेयरहाऊस धर्म कांटा में होवत डेढ़ किलो के चोरी से सबब लय अऊ छत्तीसगढ़ राज्य के सबो वेयरहाउस के धर्म कांटा ला नाप तौल विभाग से दुकानदार के आगू म जांच सत्यापन करायें सरकार संघ के महासचिव विजय धृतलहरे हर मांग करे हवें!
