बल्लूराम डॉट कॉम | कबीरधाम | 07 मार्च 2026
संपादक -विजय कुमार धृतलहरे
कबीरधाम पुलिस ह नाबालिग ल बहला-फुसलाके भगाके ओकर संग दुष्कर्म करे वाला आरोपी ल गिरफ्तार कर न्यायिक रिमांड म जेल भेज दिस हे।
पुलिस अधीक्षक कबीरधाम धर्मेन्द्र सिंह (भा.पु.से.), अतिरिक्त पुलिस अधीक्षक पुष्पेंद्र बघेल अऊ अमित पटेल सहित अनुविभागीय अधिकारी पुलिस बोड़ला अखिलेश कौशिक के निर्देशन म थाना तरेगांव जंगल पुलिस ह ये कार्रवाई करिस।
मिली जानकारी अनुसार प्रार्थी ह थाना तरेगांव जंगल म रिपोर्ट दर्ज कराइस रहिस कि ओकर नाबालिग बेटी 25 जून 2025 के रात करीब 10 से 11 बजे के बीच घर ले बिना बताए कहीं चले गे रहिस। परिजन मन आसपास अऊ रिश्तेदारी म खोजबीन करिन, फेर ओकर कोई पता नइ चलिस। प्रार्थी ल संदेह रहिस कि कोई अज्ञात व्यक्ति ओकर बेटी ल बहला-फुसलाके ले गे हवय।
रिपोर्ट के आधार म थाना तरेगांव जंगल म अपराध क्रमांक 15/2025 धारा 137(2) बीएनएस के तहत मामला दर्ज करके विवेचना सुरु कर दीस।
विवेचना के दौरान पीड़िता अपन परिजन मन संग थाना पहुंचिस। महिला अधिकारी द्वारा पूछताछ म पीड़िता बताइस कि आरोपी शत्रुहन करायेत पिता नरेश करायेत, उम्र 19 साल, निवासी सोनतरा थाना तरेगांव जंगल, जिला कबीरधाम ह साल 2024 म पहिली बार ओकर संग शारीरिक संबंध बनाइस। इसके बाद 25 जून 2025 ल आरोपी ह पीड़िता ल बहला-फुसलाके घर ले भगाके पुणे अऊ विशाखापट्टनम ले जाके कई बार दुष्कर्म करिस।
मामला के गंभीरता ल देखत पुलिस ह आरोपी के खिलाफ धारा 87, 64(2)(एम), 65(1) बीएनएस अऊ 4(2) पॉक्सो एक्ट जोड़िस। पुलिस टीम द्वारा आरोपी के पतासाजी करके 06 मार्च 2026 ल आरोपी शत्रुहन करायेत ल गिरफ्तार कर लीस।
आरोपी ल न्यायालय म पेश करके न्यायिक रिमांड म जेल भेज दे गेय हवय। मामला म अन्य गवाह मन के बयान अऊ विवेचना के कार्रवाई अभी जारी हवय।
