भोरमदेव शक्कर कारखाना मं पेरई सत्र 2025-26 मं गन्ना पेरई बंद होय के तिसर सूचना जारी
बल्लूराम डॉट कॉम
विजय कुमार धृतलहरे
दिनांक 23/02/2026
भोरमदेव सहकारी शक्कर उत्पादक कारखाना मर्यादित कवर्धा के द्वारा पेरई सत्र 2025-26 मं गन्ना पेरई बंद होय के तिसर सूचना जारी करे गे हवय। कारखाना प्रबंधन अपन कार्यक्षेत्र के जम्मो अंशधारी अऊ गैर-अंशधारी गन्ना उत्पादक किसान मन ला सूचित करे हवय कि चालू पेरई सत्र मं गन्ना खरीदी के आखिरी तारीख 24 फरवरी 2026 के रात 12 बजे तक निर्धारित करे गे हवय।
कारखाना प्रबंधन के तरफ ले संबंधित गन्ना उत्पादक किसान मन ला गन्ना आपूर्ति पर्ची दे दीस गे हवय। जेन किसान मन ला कोनो कारण से गन्ना आपूर्ति पर्ची नई मिलिस हे, वो मन तुरते कारखाना परिसर मं स्थित गन्ना विभाग या अपन क्षेत्र सहायक ले संपर्क करके पर्ची ले सकत हें।
जेन किसान मन अपन बांचे गन्ना ला जूस, बीज या गुड़ बनाय बर सुरक्षित रखे हवंय अऊ शक्कर कारखाना मं पेरई बर बेचना नई चाहत हवंय, वो मन ले निवेदन हवय कि ए बात के लिखित जानकारी कारखाना के गन्ना विभाग ला देवंय।
कारखाना प्रबंधन जिला के जम्मो गन्ना उत्पादक किसान मन ले अपील करे हवय कि वो मन अपन बांचे गन्ना 24 फरवरी 2026 तक कारखाना परिसर मं पहुंचाय के सुनिश्चित करंय। तय तारीख के बाद गन्ना जमा नई करे के स्थिति मं कारखाना प्रबंधन कोनो भी प्रकार के क्षतिपूर्ति या दावा बर जिम्मेदार नई होही।
