🚨 चिल्फी बॉर्डर म पुलिस के बड़ी कामयाबी, 4 क्विंटल 47 किलो गांजा धरईस।

गुप्त चेंबर म लुकाय के ले जा रहे रहिन गांजा, पंजाब के अंतर्राज्यीय तस्कर गिरफ्तार

कबीरधाम। नशा के खिलाफ कबीरधाम पुलिस के बड़ी कार्रवाई सामने आए हे। चिल्फी बॉर्डर म वाहन जांच के बेरा पुलिस एक कंटेनर ट्रक के गुप्त चेंबर ले 4 क्विंटल 47 किलो 445 ग्राम गांजा बरामद करे हे। जब्त गांजा के कीमत 2 करोड़ 23 लाख 75 हजार 250 रुपिया बताय जा रहे हे।

पुलिस के मुताबिक, 31 अगस्त के दिन थाना चिल्फी के सामने एनएच-30 म संदिग्ध वाहन मन के जांच चलत रहिस। एही बेरा बोडला तरफ ले आथ एक कंटेनर ट्रक ला रोक के जांच करे गीस। ड्राइवर सीट के ऊपर बने विशेष गुप्त चेंबर के तलाशी ले भारी मात्रा म गांजा मिलिस।

मामला म पुलिस बलजीत सिंह, निवासी अमृतसर, पंजाब ला गिरफ्तार करे हे। ओकर कब्जा ले गांजा के संग एक मोबाइल फोन अउ तस्करी म इस्तेमाल होवत कंटेनर ट्रक घलो जब्त करे गे हे।

💰 2.50 करोड़ ले जियादा के मशरूका जब्त

पुलिस के मुताबिक, गांजा, कंटेनर ट्रक अउ मोबाइल फोन मिलाके कुल 2 करोड़ 50 लाख 80 हजार 250 रुपिया के मशरूका जब्त करे गे हे।

🏆 पुलिस टीम ला 25 हजार रुपिया के इनाम

ए कार्रवाई के सफलता ऊपर आईजी राजनांदगांव रेंज अजय यादव द्वारा कबीरधाम पुलिस अउ चिल्फी थाना के टीम ला 25 हजार रुपिया के नकद इनाम देके सम्मानित करे गे हे। आईजी ह पुलिस टीम के सतर्कता अउ तत्परता के सराहना घलो करे हे।

🔍 तस्करी के पूरा नेटवर्क खंगालिस पुलिस

आरोपी के खिलाफ एनडीपीएस एक्ट के तहत कार्रवाई करे जा हे। एएनटीएफ टीम द्वारा गांजा तस्करी ले जुड़े दूसर मनखे अउ अंतर्राज्यीय नेटवर्क के संबंध म पूछताछ अउ जांच जारी हे।

कबीरधाम पुलिस ह कहे हे कि जिला म नशा के अवैध कारोबार अउ तस्करी के खिलाफ अभियान लगातार जारी रहिही।