आजादी के 80वां स्वतंत्रता दिवस मं जिला प्रेस क्लब कवर्धा म फहराइस तिरंगा, गूंजिस भारत माता के जयघोष
बल्लूराम डॉट काम
विजय धृतलहरे
15/08/2026 /कवर्धा
कवर्धा। आजादी के 80वां स्वतंत्रता दिवस के अवसर म जिला प्रेस क्लब कवर्धा म स्वतंत्रता दिवस बड़े हर्षोल्लास अउ देशभक्ति के भावना संग मनाय गे। कार्यक्रम के शुरुआत बिहान 8 बजे जिला प्रेस क्लब कवर्धा के अध्यक्ष प्रकाश वर्मा के हाथ ले तिरंगा झंडा फहराय के संग होइस।
ध्वजारोहण के बाद उपस्थित पत्रकार मन राष्ट्रगान गा के तिरंगा ल सलामी दिन अउ भारत माता के जयघोष ले पूरा परिसर गूंज उठिस। कार्यक्रम के बाद उपस्थित पत्रकार, जनमानस अउ अतिथिमन ल मिष्ठान वितरण कर स्वतंत्रता दिवस के बधाई दीस।
ए अवसर म जिला प्रेस क्लब के संरक्षक दीपक मिश्रा, कोषाध्यक्ष डी.एन. योगी, उपाध्यक्ष यशवंत सिंह ठाकुर, अशोक मानिकपुरी, सचिव विजय धृतलहरे सहित सदस्य देवेन्द्र चन्द्रवंशी, श्याम टंडन, रसीद कुरैशी, निर्मल मिश्रा, ईश्वर कुंभकार, जल्लू साहू, रामावतार साहू, पदम जायसवाल, जितेन्द्र धृतलहरे, आयुश वर्मा, अनवर खान, शत्रुघ्न मानिकपुरी, राजकुमार तिवारी सहित बड़ी संख्या म पत्रकार, जनप्रतिनिधि अउ गणमान्य नागरिक उपस्थित रहिन।
स्वतंत्रता दिवस के अवसर म जिला प्रेस क्लब परिसर देशभक्ति के रंग म रंगाय नजर आइस। उपस्थित पत्रकार मन देश के एकता, अखंडता अउ लोकतांत्रिक मूल्यमन के रक्षा के संकल्प लेवत स्वतंत्रता संग्राम के वीर शहीद मन ल नमन करिन।
