बल्लूराम डॉट कॉम -: विजय कुमार धृतलहरे
पंडरिया दिनांक 13/04/202
कवर्धा (कुंआ-बिपतरा)। आज कुंआ-बिपतरा स्थित जानकीवन धाम मं भव्य शिव मंदिर के प्राण-प्रतिष्ठा अऊ महायज्ञ के पावन अवसर मं छत्तीसगढ़ सरकार के पर्यटन अऊ संस्कृति मंत्री श्री राजेश अग्रवाल अऊ पंडरिया विधायक भावना बोहरा शामिल होइस। दूनों जनप्रतिनिधि मन मंदिर मं पूजा-अर्चना करके प्रदेश के सुख-समृद्धि बर कामना करिन।
मंत्री अऊ विधायक के आगमन पर भाजपा कार्यकर्ता अऊ गांव के लोगन मन ह आत्मीय अऊ भव्य स्वागत करिन।
इस मौके मं मंत्री राजेश अग्रवाल कहिन कि छत्तीसगढ़ के सांस्कृतिक अऊ आध्यात्मिक परंपरा हमार पहचान आय। जानकीवन धाम जइसने स्थल मन सिरिफ आस्था के केंद्र नई, बल्कि समाज मं एकता अऊ संस्कृति के संरक्षण के प्रतीक घलो आय। अइसने आयोजन ले समाज मं सकारात्मक ऊर्जा के संचार होथे अऊ सरकार ह प्रदेश के सांस्कृतिक धरोहर ला मजबूत करे बर लगातार काम करत हे।
विधायक भावना बोहरा कहिन कि जानकीवन धाम के ये आयोजन सनातन संस्कृति अऊ समाज के एकजुटता के बढ़िया उदाहरण आय। उहाँ कहिन कि अइसने धार्मिक आयोजन ले युवा पीढ़ी अपन संस्कृति, परंपरा अऊ संस्कार संग जुड़े के मौका पाथे।
उहाँ ये घलो कहिन कि डबल इंजन के भाजपा सरकार ह धार्मिक अऊ सांस्कृतिक विरासत के संरक्षण अऊ विकास बर प्रतिबद्ध हे। चाहे मंदिर विकास होय, सांस्कृतिक धरोहर के संरक्षण होय या समाज मं आध्यात्मिक चेतना बढ़ाय के बात—सरकार हर क्षेत्र मं लगातार काम करत हे।
अंत मं विधायक भावना बोहरा ह आयोजन समिति, श्रद्धालु अऊ समस्त ग्रामवासियन ला सफल आयोजन बर बधाई अऊ शुभकामना देइस।
ए भव्य आयोजन ह क्षेत्र मं आस्था, एकता अऊ सांस्कृतिक गौरव ला अउ मजबूत करे के संदेश देथे।
