कांकेर मं *‘उम्मीद के उड़ान’* *ले नारी सशक्तिकरण के नवा अध्याय के शुरुआत।

बस्तर के नक्सलमुक्त होय के बाद महिलामन के सम्मान, स्वावलंबन अउ उज्ज्वल भविष्य बर भारतीय आदिम जाति सेवक संघ के पहल

कांकेर/24/09/2026- बस्तर के पूर्णतः नक्सलमुक्त होय के बाद क्षेत्र के महिलामन के उत्थान, सम्मान, स्वावलंबन, रोजगार अउ उज्ज्वल भविष्य के दिशा मं एक नवा पहल करत भारतीय *आदिम जाति सेवक संघ (स्टेट बोर्ड छत्तीसगढ़)* के ओर ले कांकेर मं *‘उम्मीद के उड़ान’* कार्यक्रम के आयोजन 24 सितंबर 2026, गुरुवार के जिला पंचायत सभा कक्ष मं करे गीस।

कार्यक्रम मं बस्तर संभाग के अलग-अलग क्षेत्र ले पहुंचे माताएं-बहिनी, जनप्रतिनिधि, सामाजिक कार्यकर्ता अउ गणमान्य नागरिक शामिल होइस।

कार्यक्रम के शुरुआत मां सरस्वती के तैल चित्र म द्वीप जला के बाद अतिथिमन के स्वागत अउ पुष्पगुच्छ भेंट कर होइस। कार्यक्रम मं मौजूद अतिथिमन अपन उद्बोधन मं महिला सशक्तिकरण, स्वावलंबन, रोजगार अउ आदिवासी अंचल के महिलामन के विकास ऊपर अपन विचार रखिन। साथ ही भारतीय आदिम जाति सेवक संघ के ए पहल के सराहना करत महिलामन ला विकास के मुख्यधारा से जोड़ाय बर लगातार काम करे के बात कहीस श्री प्रकाश कुमार उईके मुख्य अतिथि, कुंवर जितेंद्र नरसिंह राणा अध्यक्ष मन!

कार्यक्रम के मुख्य अतिथि भारतीय आदिम जाति सेवक संघ के राष्ट्रीय अध्यक्ष श्री प्रकाश कुमार उईके रहिन। कार्यक्रम के अध्यक्षता छत्तीसगढ़ स्टेट बोर्ड, भारतीय आदिम जाति सेवक संघ के प्रदेश अध्यक्ष कुंवर जितेंद्र नरसिंह राणा करिन।

वहीं अतिविशिष्ट अतिथि के रूप मं छत्तीसगढ़ स्टेट बोर्ड के प्रदेश उपाध्यक्ष एवं मुख्यमंत्री श्री विष्णु देव साय के धर्मपत्नी श्रीमती कौशिल्या विष्णु देव साय, छत्तीसगढ़ राज्य महिला आयोग के अध्यक्ष एवं कैबिनेट मंत्री दर्जा प्राप्त डॉ. ममता साहू उपस्थित रहिन।

विशिष्ट अतिथिमन भी कार्यक्रम मं रहिन मौजूद

कार्यक्रम मं कांकेर विधायक श्री आशाराम नेताम, नगरपालिका परिषद कांकेर के अध्यक्ष श्री अरुण कौशिक, जिला पंचायत कांकेर के अध्यक्ष श्रीमती किरण नरेटी अउ जनपद पंचायत कांकेर के अध्यक्ष श्रीमती पूर्णिमा कावड़े विशिष्ट अतिथि के रूप मं शामिल होइस।

कार्यक्रम के संयोजक के रूप मं पद्मश्री डॉ. अजय कुमार मंडावी अउ श्रीमती कन्या दुग्गा के भूमिका रहिस। वहीं कार्यक्रम के व्यवस्थापन मं श्रीमती अर्चना गौरवामी अउ श्रीमती चारूलता सिंह चौहान के सहभागिता रहिस।

महिलामन से संवाद कर सुनिन अनुभव अउ सुझाव

‘उम्मीद के उड़ान’ कार्यक्रम मं आदिवासी क्षेत्र मं काम करत महिलामन से संवाद कर उनके अनुभव, सुझाव अउ जरूरत के बारे मं जानकारी ले गीस। कार्यक्रम के उद्देश्य महिलामन ला सम्मान के साथ आत्मनिर्भर बनाय, रोजगार के अवसर से जोड़ाय अउ भविष्य बर नवा संभावना तैयार करना रहिस।

कार्यक्रम के दौरान महिलामन के सामाजिक अउ आर्थिक सशक्तिकरण ऊपर विशेष रूप ले चर्चा होइस। संघ के पदाधिकारिमन कहिन कि बस्तर अंचल के महिलामन के प्रतिभा अउ क्षमता ला सही मंच मिलय, ए दिशा मं संगठन आगे भी काम करत रही।

कार्यक्रम मं विजय धृतलहरे के प्रभावी मंच संचालन के चर्चा

‘उम्मीद के उड़ान’ कार्यक्रम के मंच संचालन कवर्धा निवासी श्री विजय धृतलहरे करिन। अपन सहज भाषा, प्रभावी प्रस्तुति अउ क्रमबद्ध संचालन ले धृतलहरे कार्यक्रम ला बांधे रखिन। अतिथिमन के स्वागत से लेकर उद्बोधन अउ कार्यक्रम के अलग-अलग चरण ला बेहतर ढंग ले जोड़त उनके संचालन ले कार्यक्रम मं उत्साह बने रहिस।

दोपहर 12 बजे ले 2 बजे तक चले मुख्य कार्यक्रम के बाद भोजन उपरांत दोपहर 3 बजे गांधी ग्राम-कुलगांव मं वृक्षारोपण, कौशल उन्नयन केंद्र, आदर्श गौठान अउ ग्रामीण औद्योगिक पार्क के अवलोकन के कार्यक्रम भी रखे गीस।

‘उम्मीद के उड़ान’ कार्यक्रम बस्तर के महिलामन बर सम्मान, स्वावलंबन अउ नवा अवसर के दिशा मं एक सार्थक पहल के रूप मं सामने आइस।