बल्लूराम डॉट कॉम
विजय धृतलहरे
रायपुर। भारतीय जनता पार्टी के प्रदेश कार्यालय मं भाजपा के 17 प्रकोष्ठ मन के पदाधिकारियों के पहली प्रदेश स्तरीय कार्यशाला उत्साह अउ संगठनात्मक माहौल मं संपन्न होइस। कार्यशाला मं भाजपा प्रदेश अध्यक्ष किरण सिंह देव, संगठन के तीनों प्रदेश महामंत्री, 17 प्रकोष्ठ मन के प्रदेश संयोजक-सहसंयोजक सहित एक हजार ले जियादा कार्यकर्ता शामिल होइन।
मुख्यमंत्री विष्णु देव साय कहिन कि भारतीय जनता पार्टी दुनिया के सबसे बड़े राजनीतिक दल आय अउ संगठन के मजबूती मं प्रकोष्ठ मन के अहम भूमिका हवय। कार्यशाला मं प्रकोष्ठ मन के जिम्मेदारी, संगठन विस्तार अउ समाज के अलग-अलग वर्ग तक पार्टी के विचारधारा पहुंचाय बर विस्तार ले चर्चा करे गीस।
मुख्यमंत्री साय ह पदाधिकारी मन ले आह्वान करिन कि वो मन भारतीय जनता पार्टी के रीति-नीति अउ केंद्र-प्रदेश सरकार के जनकल्याणकारी योजना मन ला गांव-गांव, घर-घर अउ समाज के हर वर्ग तक प्रभावी ढंग ले पहुंचाय के काम पूरे समर्पण अउ निष्ठा संग करंय।
कार्यशाला मं संगठन के मजबूती, कार्यकर्ता मन के सक्रिय भागीदारी अउ जनसेवा के भावना ला अउ मजबूत करे ऊपर जोर देय गीस। मुख्यमंत्री साय ह भरोसा जताइन कि प्रकोष्ठ मन के सक्रिय भूमिका ले पार्टी के संगठनात्मक विस्तार अउ जनसंपर्क मं नई गति मिलही।
