बल्लूराम डॉट कॉम
संपादक-: विजय कुमार धृतलहरे
दिनांक 01/05/2026
लोरमी नगरी म शासकीय रासन दुकानदार अऊ विक्रेता कल्याण संघ छत्तीसगढ़ के भव्य प्रादेशिक सम्मेलन बड़े ही धूमधाम ले संपन्न होइस। ए कार्यक्रम म उपमुख्यमंत्री अरुण साव मुख्य अतिथि के रूप म शामिल होके दुकानदार मन म नया जोश अऊ भरोसा भर दिन।
प्रदेश भर ले हजारों के संख्या म पहुंचे रासन दुकानदार अऊ विक्रेता मन के उपस्थिति ले सम्मेलन म उत्साह चरम म रहिस। मंच के भव्य सजावट अऊ सुव्यवस्थित आयोजन के सराहना खुद मुख्य अतिथि घलो अपन भाषण म करिन।
कार्यक्रम के संचालन संघ के प्रदेश महासचिव विजय धृतलहरे बड़े प्रभावशाली ढंग ले करिन, जेन ह दुकानदार मन के दिल के बात ला सीधे उपमुख्यमंत्री तक पहुंचाइन। संघ के प्रदेश अध्यक्ष देवर्स भाई सापरिया ह 6 सूत्रीय मांग पत्र सौंपत दुकानदार मन के समस्यामन ला प्रमुखता ले उठाइन।
अपन जोशीला संबोधन म उपमुख्यमंत्री अरुण साव कहिन—रासन दुकानदार मन सरकार के रीढ़ हवंय, जेन मन जनता तक योजनामन ला पहुंचाथें। ओमन के ताकत कम नई हे, बल्कि समाज ला बदल देय के क्षमता रखथें।
ओमन भरोसा देत कहिन के 6 सूत्रीय मांग ऊपर खाद्य सचिव संग चर्चा हो चुके हे, अऊ जल्दीच उच्च स्तरीय बैठक ले निर्णय ले जाही। जरूरत पड़ही त मुख्यमंत्री अऊ वित्त मंत्री ले घलो बात करके हर मांग ला पूरा करे के पूरा प्रयास करहूं।
सम्मेलन म लोरमी इकाई द्वारा बैठक भवन के मांग उठाय गीस, जेन ला तुरंत स्वीकार करत उपमुख्यमंत्री ह 15 लाख रुपिया देय के घोषणा करिन। ए घोषणा ले उपस्थित दुकानदार मन म खुशी के लहर दौड़ गीस।
कार्यक्रम के अंत म उपमुख्यमंत्री ह 1 मई श्रमिक दिवस के बधाई देत सब्बो दुकानदार मन के मेहनत अऊ योगदान ला नमन करिन, अऊ स्वागत खातिर आभार जताइन।
ए सम्मेलन ह रासन दुकानदार मन बर नई उम्मीद अऊ अधिकार के लड़ई म एक मजबूत कदम साबित होइस।
ये अवसर म बड़े संख्या म संघ के पदाधिकारी शामिल होईन जे म प्रदेश अध्यक्ष देवर्स भाई सापरिया कार्यकारी अध्यक्ष विजय राठौर प्रदेश महासचिव राष्ट्रीय उपाध्यक्ष विजय धृतलहरे प्रदेश सचिव नंदकुमारी साहू सह सचिव संजीव शर्मा प्रवक्ता महेंद्र पांडेय संभाग अध्यक्ष सुशिला निषाद अश्वनी चन्द्राकर अमित पाटले महासचिव दूर्ग संभाग कार्यकारी सदस्य वास्कल बंजारे विशेष बंजारे लक्ष्मन भट्ट दिपक छाबड़ा राम अकबाल यादव जयश्री कुशराम योगदत्त साहू रेखा ठाकुर विरेन्द्र चन्द्राकार जिला अध्यक्ष लक्ष्मीकांत साहू कबीरधाम, लखनलाल यादव मुंगेली,रविपरयानी बिलासपुर,कांति साहू चौकी मानपुर,बबीता वैष्णव खैरागढ़,देवी साहू बेमेतरा,संजय राठौर जी पी एम के अलावा बड़ संख्या म पदाधिकारी अऊ विक्रेता संचालक शामिल होइन जीखर मनोरंजन बर रंजीत साहू के टीम शानदार लोककला के 6 बहनों की टीम के साथ प्रस्तुत दे के मंत्रमुग्ध कर दिन!
