बल्लूराम डॉट कॉम

संपादक- विजय कुमार धृतलहरे

तखतपुर दिनांक 28/2/2026

बिलासपुर : संगठन के विस्तार बर एक महत्तम कदम उठावत भारतीय जनता पार्टी के युवा प्रकोष्ठ भारतीय जनता युवा मोर्चा बिलासपुर शहर जिला इकाई नई टीम के घोषणा कर दीस हे।

प्रदेश नेतृत्व के मार्गदर्शन अऊ जिला कोर ग्रुप के फैसला मुताबिक ये घोषणा करे गे हवय। भाजपा प्रदेशाध्यक्ष किरण सिंहदेव अऊ प्रदेश महामंत्री (संगठन) पवन साय के निर्देशन म, संग संभाग प्रभारी, सहप्रभारी अऊ जिला प्रभारी के निर्देश म ये गठन करे गे हवय।

युवा मोर्चा के प्रदेश अध्यक्ष राहुल योगराज टिकरिहा अऊ भाजपा बिलासपुर शहर जिलाध्यक्ष दीपक सिंह ठाकुर के अनुशंसा म जिलाध्यक्ष वैभव गुप्ता जिला पदाधिकारी, कार्यसमिति सदस्य अऊ विशेष आमंत्रित सदस्य मन के सूची जारी करिन।

एही क्रम म तखतपुर मंडल गनियारी निवासी कैलाश वस्त्रकार ल भारतीय जनता युवा मोर्चा के जिला मीडिया सहप्रभारी नियुक्त करे गे हवय। ओकर नियुक्ति ले संगठन ल जमीनी स्तर म अउ ज्यादा मजबूती मिलही, ए बात के उम्मीद जताय गे हवय।

नई टीम के गठन संग-संग युवा मोर्चा आगू के कार्यक्रम अऊ संगठनात्मक गतिविधि मन ल अउ तेज गति देय के संकल्प घलो ले हवय।