बल्लूराम डॉट कॉम
विजय धृतलहरे
📍कवर्धा, 09 जुलाई 2026।
राज सरकार किसान मन बर एग्रीस्टेक पंजीयन ल अब अनिवार्य कर दे हे। जेन किसान मन के जमीन के ऋण पुस्तिका या खाता मं दू, तीन या चार झन के नाव दर्ज हवय, ओमन ला अलग-अलग अपन एग्रीस्टेक पंजीयन कराना जरूरी होही। एखर संग-संग अगर एके खाता मं एक ले जियादा खसरा नंबर हवय, त ओ खाता के जम्मो सहखातेदार मन ला हर खसरा ऊपर अपन-अपन पंजीयन कराना परही।
ए पंजीयन ले हर किसान के अलग डिजिटल रिकॉर्ड बनही, जेन ले शासन के किसान हितैषी योजना मन के लाभ मिलना आसान हो जाही अउ सरकारी सेवा मन मं पारदर्शिता घलो बढ़ही।
प्रशासन कहिस कि जेन किसान समय मं एग्रीस्टेक पंजीयन नइ कराही, ओमन ला समर्थन मूल्य मं धान अउ दूसर फसल बेचे मं दिक्कत हो सकथे। एखर अलावा सरकार के कई योजना के लाभ ले घलो वंचित होना पड़ सकथे।
प्रशासन किसान मन ले अपील करे हवय कि बिना देरी करे अपन एग्रीस्टेक पंजीयन जरूर करा लेवं। पंजीयन संबंधी जानकारी अउ सहायता बर अपन पटवारी, कृषि विभाग, खाद्य विभाग, सेवा सहकारी समिति या नजदीक के कॉमन सर्विस सेंटर (सीएससी) मं संपर्क कर सकथें।
👉 किसान मन बर संदेश:
“आजे एग्रीस्टेक मं पंजीयन करावव, कल धान बिक्री अउ सरकारी योजना के लाभ बिना रुकावट पावव।”
