बल्लूराम डॉट कॉम -: विजय धृतलहरे
दिनांक 17/04/2026 पंडरिया
पंडरिया विधानसभा के वनांचल इलाका म रहत आदिवासी परिवार मन बर आवागमन ला आसान बनाय अउ ओमन ला विकास के मुख्य धारा ले जोड़े बर डबल इंजन भाजपा सरकार लगातार काम करत हवय। एही कड़ी म आज छत्तीसगढ़ के माननीय मुख्यमंत्री जी जशपुर ले प्रधानमंत्री ग्राम सड़क योजना अंतर्गत अलग-अलग विधानसभा म सड़क निर्माण काम के वर्चुअल भूमिपूजन करिन।
ए दौरान पंडरिया विधानसभा के वनांचल इलाका म 57 करोड़ 93 लाख 32 हजार रूपिया के लागत ले 57.415 किमी लंबाई के कुल 27 ठन सड़क निर्माण काम के भूमिपूजन कराय गीस।
मुख्यमंत्री जी कहिन के आज प्रधानमंत्री जी के नेतृत्व म सरकार वनांचल, आदिवासी बहुल अउ ग्रामीण इलाका के विकास बर पूरी प्रतिबद्धता ले काम करत हवय। ए सड़क मन बनही त गांव-गांव तक सुगम आवागमन होही अउ ग्रामीण अर्थव्यवस्था ला बढ़ावा मिलही। “सबका साथ, सबका विकास” के लक्ष्य ले सरकार जन-जन तक मूलभूत सुविधा पहुंचाय बर काम करत हवय।
ए अवसर म पंडरिया विधायक प्रधानमंत्री अउ मुख्यमंत्री जी ला धन्यवाद देके क्षेत्र के जनता मन ला बधाई दिन। ओ कहिन के ए सड़क मन बनही त दूरस्थ वनांचल इलाका मुख्य मार्ग ले जुड़ही अउ शिक्षा, स्वास्थ्य, रोजगार अउ बाजार तक पहुंच आसान हो जाही।
ओ ह आगू कहिन के सड़क सिरिफ रस्ता नई होय, बल्कि विकास के दरवाजा खोले के काम करथे। हमर संकल्प हवय के पंडरिया के हर गांव अउ हर घर तक विकास के रोशनी पहुंचय। पक्की सड़क, साफ पानी, बिजली अउ किसान मन बर सिंचाई सुविधा सुनिश्चित करे बर लगातार काम होवत हवय।
पंडरिया विधानसभा अब तेजी ले विकास के रद्दा म आगे बढ़त हवय, जिहां हर गांव ला मुख्यधारा ले जोड़े के लक्ष्य ला प्राथमिकता देके पूरा करे जात हवय। वनांचल इलाका म अब पक्की सड़क, आवास, बिजली, पानी, शिक्षा अउ स्वास्थ्य सुविधा म तेजी ले सुधार देखे ला मिलत हवय।
पंडरिया विधानसभा के 27 ठन सड़क के भूमिपूजन करिन मुख्यमंत्री जी
भेलकी ले चुलटोला (बदनाटोला होके), बोहिल ले झुमर, अमनिया बरटोला ले ढोलढोली डोकरीघखटिया, दमगढ़ ले लुढूटोला, कांदावानी ले डेंगुरजाम अमनिया, बिरहुलडीह ले करालू अउ लिफड़ी, जखना रोड ले धोबे, पेन्ड्रा ले पावले, छिन्दीडीह ले टिकराटोला, महीडबरा ले नवापारा, देवानपटपर ले चिखलापानी, केसमरदा रोड ले गाडासरई, दमगढ़ ले महुवापानी, भैंसाडबरा ले भंदराटोला, बोहिल ले फिफलीपानी, देवसरा रोड ले पंडरीपथरा, बांगर रोड ले एरुंगटोला, बांगर मेन रोड ले कोटनापानी (टोलापारा), बदना रोड ले कारीधाप, दमगढ़ मेन रोड (लुढूटोला) ले चारभाठा, डालामौहा ले पीपरकछार, सोमनापुर ले मोतेसरा, भटरूसे ले पथर्री कंझेटी, बांगर रोड ले धारटोला, भेड़ागढ़ ले भेड़ागढ़ बैगापारा अउ पैलपार ले गोरखपुरखुर्द तक सड़क निर्माण काम के भूमिपूजन वर्चुअल तरीका ले कराय गीस।
